2026 жылдың 25 ақпанында біздің университетте Қарағанды облысы білім басқармасының «Сарыарқа дарыны» өңірлік ғылыми-практикалық орталығымен бірлесіп ұйымдастырылған орта оқу орындарының 10-11 сынып оқушылары арасында информатика пәнінен облыстық олимпиада өтті.
Олимпиадаға облыстың 20-дан астам мектебі қатысты, қатысушылардың жалпы саны 148 оқушыны құрады.
Жүлделі орындар келесідей бөлінді:
2026 жылғы 21 ақпанда университетіміздің «Сот және құқық қорғау қызметі» білім беру бағдарламасының СПД 22-2 тобының студенті Ерлан Ундасинов киокушинкай каратэ бойынша Қазақстан Республикасы чемпионатында сәтті өнер көрсетіп, жоғары бәсекелестік жағдайында университет намысын лайықты қорғап, құрметті 2-орынды иеленді.
Бұған дейін облыс чемпионатында спортшы сенімді түрде 1-орын алып, жоғары дайындық деңгейін, шеберлігі мен мақсаткерлігін көрсетті. Жарыс қорытындысы бойынша ол дипломмен, кубокпен және медальмен марапатталды.
Жоғары нәтижелер студенттің жүйелі еңбегі, тәртіптілігі мен табандылығының заңды жемісі болды. Көрсеткен нәтижелері бойынша Ерлан қайтадан Қазақстан Республикасы құрамасының қатарына енгізілді.
Спортшының келесі маңызды кезеңі – Индонезияда өтетін Азия чемпионатына қатысу. Бұл – студент үшін де, университет үшін де маңызды жетістік.
Университет Ерлан Ундасиновты жоғары спорттық жетістіктерімен құттықтайды және оның табыстарын мақтан тұтады! Студентті жаңа жеңістерге жетелеуде қолдау көрсетіп жүрген жаттықтырушыларға, тәлімгерлерге және барлық жанашырларға шынайы алғысымызды білдіреміз.
Қазтұтынуодағы Қарағанды университетінде студенттер мен профессорлық-оқытушылық құрамның қатысуымен «Әділетті және Прогрессивті Қазақстанның Халықтық Конституциясы үшін» Жалпыұлттық коалициясы өкілдерінің қатысуымен ақпараттық-түсіндіру кездесуі өтті.
Кездесу мемлекет дамуының стратегиялық бағыттарын айқындауға арналды. Іс-шараға Қазақстан Республикасы Парламенті Мәжілісінің депутаттары — Смағұлов Б.А. және Қалықов А.К., сондай-ақ Қарағанды облыстық және қалалық мәслихат депутаттары қатысты.
Кездесу барысында жаңа Конституция жобасының негізгі ережелері жан-жақты түсіндіріліп, басты бағыттары мен енгізілетін өзгерістеріне тоқталды. Құжатта адам құқықтары мен бостандықтарының басымдығы күшейтілетіні, цифрлық қауіпсіздік мәселелері мемлекеттік деңгейде нақты бекітілетіні және билік жүйесіндегі өзгерістер көрініс табатыны атап өтілді.
Спикерлер 15 наурызда өтетін референдумның ел болашағы үшін маңыздылығын ерекше атап өтіп, азаматтардың белсенді қатысуы қоғам дамуына тікелей әсер ететінін жеткізді.
2026 жылғы 20 ақпанда Қазтұтынуодағы Қарағанды университетінде «Интернет-алаяқтық: алдын алу және жауапкершілік» тақырыбында дөңгелек үстел сәтті өтті. Іс-шара білім алушылардың құқықтық сауаттылығын арттыруға және жастардың цифрлық қауіпсіздік дағдыларын қалыптастыруға бағытталды.
Талқылауға университет студенттері мен профессор-оқытушылар құрамы белсенді қатысты. Кездесу барысында интернет-алаяқтықтың өзекті схемалары, оларды анықтаудың практикалық аспектілері, сондай-ақ цифрлық ортада азаматтарды қорғау мен алдын алудың тиімді шаралары қарастырылды.
Қонақ спикерлер ретінде Қарағанды қаласы Полиция басқармасы Қарағанды облысы Полиция департаменті (ҚР ІІМ) және Б. Бейсенов атындағы ҚР ІІМ Қарағанды академиясы өкілдері сөз сөйледі:
Қазтұтынуодағы Қарағанды университетінің 60 жылдығы және «Университет және өңір: 60 жыл бірлескен даму» іс-шаралары аясында 2026 жылғы 19 ақпанда «Логистика» және «Маркетинг» білім беру бағдарламалары студенттері үшін кафедраның көпжылдық серіктесі — «TM-Logistic» ЖШС базасында көшпелі оқу сабағы өтті.
Кәсіпорын директоры Куликов В.Н. дәріс оқып, бизнес-процестердің практикалық көрсетілімін өткізді. Ол заманауи логистикалық тәжірибелер, олардың маркетингпен өзара байланысы және клиенттік құндылықты қалыптастырудағы рөлі туралы жан-жақты баяндады.
Көшпелі сабақ Садыкова А.К. және Краснощекова Е.А. оқытушыларының жетекшілігімен өтті.
Мұндай іс-шаралар университеттің өңірдің бизнес-қауымдастығымен серіктестік байланыстарын нығайтуға, білім алушылардың практикалық құзыреттерін қалыптастыруға және болашақ мамандарды даярлау сапасын арттыруға ықпал етеді.
2026 жылғы 21 ақпанда Қазтұтынуодағы Қарағанды университетінің базасында университеттің 60 жылдық мерейтойына арналған 9–11 сынып оқушылары, гимназиялар мен лицейлердің және Қарағанды қаласы мен Қарағанды облысының колледж студенттері арасында мерейтойлық облыстық экономика олимпиадасы өтті.
Жыл сайын өткізілетін зияткерлік сайыс жастардың экономикалық ойлау дағдыларын қалыптастыруға, экономикалық білімді насихаттауға, сондай-ақ кәсіби бағдар беруге және болашақ білім беру бағытын саналы таңдауға ықпал етуге бағытталған.
Іс-шараның әдістемелік, ұйымдастырушылық және ақпараттық қамтамасыз етілуін Қазтұтынуодағы Қарағанды университетінің Экономика, басқару және кәсіпкерлік факультетінің «Экономика және кәсіпкерлік» және «Менеджмент және инновациялар» кафедралары жүзеге асырды. Қазылар алқасының құрамына университеттің жетекші оқытушылары енді.
Олимпиадаға өңірдің 49 дарынды мектеп оқушысы мен колледж студенті қатысты. Қатысушылар жоғары дайындық деңгейін, аналитикалық қабілеттерін және экономикалық білімді практикада қолдана білу шеберлігін көрсетті.
Сайыс қорытындысы бойынша жеңімпаздар I, II және III дәрежелі дипломдармен, естелік сыйлықтармен және Қазтұтынуодағы Қарағанды университетінде оқу ақысына жеңілдік беретін сертификаттармен марапатталды. Жеңімпаздардың жетекші мұғалімдеріне университет ректорының атынан алғыс хаттар табысталды.
Экономика пәні бойынша облыстық олимпиада экономикалық ғылым мен кәсіпкерлікті дамытуға қызығушылық танытатын дарынды жастарды анықтау және қолдау бағытындағы тиімді алаң екенін тағы бір мәрте дәлелдеді.
2026 жылғы 6 ақпанда Қарағанды Қазтұтынуодағы университетінде «Сот және құқық қорғау қызметі» білім беру бағдарламасының түлегі Гайворонская И.-мен кездесу өтті. Ол Қарағанды қаласы Киров полиция бөлімі штабының инспекторы, полиция лейтенанты.
Іс-шараны Жалпықұқықтық және арнайы пәндер кафедрасының аға оқытушысы Қайроллаева Л.К. ұйымдастырды. Кездесу ашық диалог форматында өтіп, оның барысында түлек өзінің білім алу жолы, мамандық таңдауы және кәсіби қызметтегі алғашқы қадамдары туралы жан-жақты баяндады. Университетте алған білімнің қазіргі кәсіби орта талаптарына бейімделуге және табысты мансап қалыптастыруға қалай ықпал еткені ерекше атап өтілді.
Кездесу барысында жұмысқа орналасу, өндірістік практикадан өту, кәсіби және тұлғалық құзыреттерді дамыту мәселелері талқыланды. Түлек өзін-өзі дамыту, мамандық таңдау және жеке білім беру траекториясын қалыптастыру бойынша практикалық ұсыныстарымен бөлісті.
Мұндай кездесулер университеттің кәсіби бағдар беру жұмысында маңызды рөл атқарады, өйткені олар білім алушыларға болашақ мамандық туралы нақты түсінік алуға, оқуға деген ынтаны арттыруға және кәсіби жолын саналы таңдауға мүмкіндік береді.
Ағымдағы жылдың 6 ақпанында Қарағанды облысының Достық үйінде Қазақстан халқы Ассамблеясының ғылыми-сараптамалық тобының бастамасымен «Этносаралық келісімді нығайтудағы Халық кеңесінің рөлі» тақырыбында дөңгелек үстел өтті.
Іс-шара барысында конституциялық реформалар жағдайындағы қоғамдық құрылымдардың институционалдық дамуы, Халық кеңесінің қоғамдық диалогтың тиімді алаңы ретіндегі маңызы, сондай-ақ азаматтардың пікірін ескеру және оларды шешім қабылдау үдерістеріне тарту тетіктері талқыланды. Қатысушылар Халық кеңесінің қоғам мен мемлекет арасындағы өзара сенімді нығайтуға және қоғамдық келісімнің орнықты моделін қалыптастыруға ықпал ететінін атап өтті.
Дөңгелек үстел жұмысына Қазтұтынуодағы Қарағанды университетінің Әлеуметтік-саяси пәндер және Қазақстан халқы Ассамблеясы кафедрасының өкілдері қатысты. Философия ғылымдарының кандидаты, доцент С.К. Егізбаев өз сөзінде Қазақстан халқы Ассамблеясының қазіргі қоғамдағы рөлі зор екенін атап өтіп, оның алдағы трансформациясы мен жүйелі дамуы этносаралық және конфессияаралық келісімді нығайтуға, диалог мәдениетін қалыптастыруға және қоғамдық тұрақтылықты қамтамасыз етуге ықпал ететінін жеткізді. Сонымен қатар іс-шараға кафедраның аға оқытушысы, гуманитарлық ғылымдар магистрі Д.М. Умбетов қатысты.
Диалог, келісім және өзара құрмет — қазақстандық қоғамның орнықты дамуының негізгі құндылықтары.
2026 жылғы 6 ақпанда Қарағанды Қазтұтынуодағы университетінде «Заң және тәртіп» идеологиясын ілгерілетуге арналған іс-шара өтті. Іс-шараға құрметті қонақтар ретінде Қарағанды облысы прокурорының орынбасары Е.А. Джубанов, сондай-ақ Қарағанды облысы Полиция департаментінің киберполициясы мен есірткі бизнесіне қарсы іс-қимыл басқармасының қызметкерлері қатысты.
Студенттер мен профессор-оқытушылар құрамымен өткен кездесуде университет ректоры, экономика ғылымдарының докторы, профессор Е.Б. Аймагамбетов Қазақстан Республикасы Президенті Қ.К. Тоқаевтың Жолдауында белгіленген басым бағыттарға тоқталып, қоғамда «Заң және тәртіп» идеологиясын орнықтырудың, сондай-ақ қаржылық сауаттылық пен цифрлық гигиенаны дамытудың маңыздылығын атап өтті. Аталған мәселелердің елдің конституциялық дамуы жағдайында ерекше өзектілікке ие екені айтылып, университетте Мемлекет басшысының тапсырмаларын орындау бағытында жүргізіліп жатқан жүйелі жұмыстар таныстырылды.
Қарағанды облысы прокурорының орынбасары өз сөзінде студенттерге Қазақстанның болашағы ретінде үн қатып, цифрландырудың артықшылықтары мен тәуекелдері, сондай-ақ қылмыстық мақсатта цифрлық технологияларды пайдалану тәсілдері туралы баяндады. Ол білім алушылар мен оқытушыларды цифрлық сауаттылықты арттыруға және құқықбұзушылықтардың алдын алуға шақырды.
Полиция департаментінің есірткі бизнесіне қарсы іс-қимыл басқармасы мен киберполиция қызметкерлері практикалық сабақтар өткізіп, интернет-алаяқтардан қорғану жолдарын көрсетті, «дроперлер» ұғымын түсіндіріп, мұндай әрекеттер үшін көзделген жауапкершілік туралы ақпарат берді. Сонымен қатар интерактивті конкурстар ұйымдастырылып, жеңімпаздар марапатталды.
Іс-шара жастардың құқықтық және цифрлық сауаттылығын арттыруға, азаматтық жауапкершілікті қалыптастыруға және университет пен құқық қорғау органдары арасындағы өзара іс-қимылды нығайтуға ықпал етті.
2025 жылғы 11-12 желтоқсан күндері Қазтұтынуодағы Қарағанды университетінің «Есеп және аудит» білім беру бағдарламасының білім алушылары Ресей Федерациясы Үкіметі жанындағы Қаржы университеті (Мәскеу қ.) ұйымдастырған «С.Б. Барнгольцті еске алуға арналған Желтоқсан оқулары» XVII халықаралық ғылыми-тәжірибелік конференциясына қатысып, жоғары нәтиже көрсетті.
Конференция
«Экономикалық жүйелердің даму мүмкіндіктерін бағалаудың заманауи әдістері: есептік-бақылау және аналитикалық аспектілер» тақырыбында өтті және түрлі елдердің ғылыми-білім беру ұйымдарының өкілдерін біріктірді.
2026 жылы 16 қаңтарда Қазтұтынуодағы Қарағанды университеті экономика, басқару және кәсіпкерлік факультетінің қазақ тілі және Қазақстан мәдениеті кафедрасы мен Қарағанды облысы білім басқармасының «Сарыарқа дарыны» БҚББ АҒПО-ның бірлесіп 9,11-сыныптар бойынша өткізген «Тіл білгірі» облыстық пәндік олимпиадасының нәтижесін жариялаймыз!
