CirculEC жобасы Консорциумының келесі мониторингтік кездесулер сериясы ЕО қаржыландыратын Erasmus+ ЖОО әлеуетін арттыру бағдарламасы аясында Өзбекстанда (Ташкент) Международный Вестминстерский университет в Ташкенте және Central Asian University базасында өтті.
Жоба серіктестері Өзбекстан университеттерінің бакалавриат, магистратура және өмір бойы білім алу (LLL) бағдарламаларына тұйық циклді экономика қағидаттарын енгізуді талқылап, бағалады, сондай-ақ аймақтың орнықты дамуы мен «жасыл» трансформациясына қажетті мамандарды даярлауда серіктес жоғары оқу орындарының рөлін қарастырды.
Іс-шараға аймақ және Еуропа университеттерінен 50-ден астам оқытушы мен сарапшы қатысып, тұйық циклді экономика қағидаттарын білім беру бағдарламаларына интеграциялау бойынша ілгерілеуді бағалады. Қатысушылардың арасында Қазтұтынуодағы Қарағанды университетінің жобалық тобы да болды. Университеттің жобаға қатысуы халықаралық академиялық ынтымақтастықты дамытуға, білім беру сапасын арттыруға және тұрақты даму мен жасыл технологиялар саласындағы жаңа буын мамандарының құзыреттерін қалыптастыруға ықпал етеді.
Алдағы мониторингтік сапарлар сериясы Тәжікстан университеттерінде (Душанбе) өтеді.
2026 жылғы 1 қаңтардан бастап күшіне енетін Қазақстан Республикасының жаңа Салық кодексі салық жүйесін ауқымды реформалау кезеңін айқындап отыр. Бұл реформа әділдікті, ашықтықты және цифрлық тиімділікті арттыруға бағытталған. Осыған орай, Қазтұтынуодағы Қарағанды университеті болашақ мамандардың кәсіби құзыреттілігін және жаңа салық мәдениетін қалыптастыру ісіне белсенді атсалысуда.
Университеттің өңірдің тұрақты дамуы үшін бәсекеге қабілетті кадрлар даярлау миссиясын іске асыру аясында «Қаржы» кафедрасы 2025 жылғы 9 қазанда «Қазақстан Республикасының Салық кодексі – 2026: негізгі өзгерістер» атты ғылыми-практикалық семинар ұйымдастырды.
Семинар барысында Қарағанды облысы бойынша Мемлекеттік кірістер департаментінің салық заңнамасын түсіндіру бөлімінің басшысы Зауреш Қанатқызы Жойкимбекова баяндама жасап, жеке және заңды тұлғалардың салық салуына қатысты негізгі жаңалықтармен, цифрлық құралдарды енгізу мен бизнестің әкімшілік жүктемесін азайту шараларымен таныстырды.
Қатысушылар жаңа кодекстің тәжірибелік қолданылуы мен оның кәсіпорындардың қаржы-экономикалық қызметіне әсерін талқылады.
Іс-шара студенттер мен оқытушылардың кәсіби білімін кеңейтіп, өзекті құзыреттерін дамытуға және елдің салық саясатына деген қызығушылығын арттыруға ықпал етті.
2025 жылғы 25 қыркүйекте Қазтұтынуодағы Қарағанды университетінде жаңа қабылданған оқытушыларға арналған кіріспе онбординг-іс-шарасы өтті. Іс-шараны Адами ресурстарды басқару департаменті ұйымдастырды.
Кездесу барысында оқытушының кәсіби қызметінің негізгі көрсеткіші болып табылатын оқу-әдістемелік жұмыс мәселелеріне ерекше көңіл бөлінді. Университеттің негізгі ақпараттық-білім беру платформаларымен – Platonus, DMS – жұмыс істеу ережелері, сондай-ақ оларды оқу қызметін жоспарлау және есепке алу құралы ретінде пайдалану жолдары қарастырылды.
Жеке бөлімде ҚР ҒжБМ білім беру қызметіне қойылатын біліктілік талаптары, университеттің ішкі нормативтік құжаттары – ішкі еңбек тәртібі ережелері, еңбек қауіпсіздігі және өрт қауіпсіздігі нұсқаулықтары түсіндірілді. Оқытушылар тек ақпарат алып қана қоймай, білім беру процесіне тезірек қосылуға көмектесетін практикалық ұсынымдар да алды.
Іс-шараға университеттің құрылымдық бөлімшелерінің басшылары мен өкілдері қатысты: Бизнес-процестерді цифрлық трансформациялау орталығы, Академиялық дамуды басқару департаменті, Азаматтық қорғаныс штабы, сондай-ақ Студенттермен жұмыс департаменті.
Қазтұтынуодағы Қарағанды университетіндегі онбординг бағдарламасы жаңа қызметкерлердің кәсіби қызметке оңай бейімделуіне, академиялық орта мен корпоративтік мәдениетке сәтті кірігуіне бағытталған. Мұндай іс-шаралар тиімді оқытушылар құрамын қалыптастыруға, білім беру процесінің сапасын арттыруға және университеттің ғылыми-педагогикалық әлеуетін дамытуға ықпал етеді.
2025 жылдың 15 қыркүйегінде Қазтұтынуодағы Қарағанды университетінде Көптілді білім беру орталығы мен Халықаралық бағдарламалар және жобалар орталығымның ұйымдастыруымен INFODAY шарасы өтті.
Іс-шара аясында университет пен колледждің білім алушыларына, оқытушыларына және қызметкерлеріне орталықтардың білім беру мүмкіндіктері таныстырылды.
Көптілді білім беру орталығы мемлекеттік және шетел тілдерін үйрету бағдарламаларын ұсынды. Олардың қатарында ағылшын, неміс, араб, түрік, қытай және басқа да қарқынды бағыттар бар. Қатысушыларға оқыту әдістемелері, курстардың құрылымы мен артықшылықтары туралы мәлімет берілді.
Халықаралық бағдарламалар және жобалар орталығы Қазақстанның, жақын және алыс шетел университеттерінде академиялық ұтқырлық мүмкіндіктерін таныстырды. Бүгінгі таңда Орталық 31 елдің 140-тан астам университетімен ынтымақтастық орнатып, халықаралық білім беру және мәдени тәжірибе алмасуға кең мүмкіндіктер ашуда. Қатысушылар академиялық ұтқырлықтың артықшылықтары, қаржыландыру көздері және өтінім беру тәртібі туралы ақпарат алды.
INFODAY шет тілдерін меңгеру деңгейін арттыруға және шетелде білім алу көкжиегін кеңейтуге ұмтылған білім алушылар мен ПОҚ арасында үлкен қызығушылық тудырды.
Қосымша ақпарат алу үшін хабарласыңыз:
*Көптілді білім беру орталығы — №281 офис,
Instagram: @multilingual_kazpotrebsoyuz, тел. +7 775 323 27 54
*Халықаралық бағдарламалар және жобалар орталығы — №268 офис,
Instagram: @international_kazpotrebsoyuz
«Дене шынықтыру және спорт менеджменті» білім беру бағдарламасының студенті, Қазтұтынуодағы Қарағанды университетінің мақтанышы Аида Әбікеева Ливерпульде (Ұлыбритания) өткен әлем чемпионатында жарқын жеңіске жетті.
65 кг дейінгі салмақ дәрежесіндегі финалдық жекпе-жекте Аида Өзбекстан өкілі Навбахор Хамидовамен кездесті. Қарсыласы алғашқы екі раундта басымдыққа ие болғанына қарамастан, қазақстандық спортшы табандылық танытып, шешуші үш минутта кездесу тағдырын өзгертіп, «алтынды» иеленді.
Осылайша, Аида Әбікеева әлемнің екі дүркін чемпионы атанып, өзінің жоғары шеберлігін және спорттық қайсарлығын дәлелдеді.
Жалпы, Қазақстан құрамасы 10 медаль жеңіп алды, оның ішінде 7 алтын. Қорытынды есеп бойынша қазақстандық боксшылар бірінші орынға ие болды (7 алтын, 1 күміс, 2 қола).
Қазтұтынуодағы Қарағанды университеті студентінің жетістігіне мақтана отырып, оған жаңа жеңістер мен табыстар тілейді!
Қазтұтынуодағы Қарағанды университетінде Қазақстан Республикасы Президенті Қасым-Жомарт Тоқаевтың «Жасанды интеллект дәуіріндегі Қазақстан: өзекті міндеттер және оларды ауқымды цифрлық трансформация арқылы шешу жолдары» атты Жолдауын талқылауға арналған университет активінің жиналысы өтті.
Жиналысқа университет басшылығы, профессорлық-оқытушылық құрамы және студенттер қатысты.
Университет ректоры Мемлекет басшысының Жолдауы жаңа жағдайдағы стратегиялық бағдар екенін атап өтті:
«Президент мемлекеттік саясаттың орталығында адам, оның құқықтары мен әл-ауқаты тұратынын нақты атап өтті. Қазақстан орнықты, бәсекеге қабілетті және жоғары технологиялық мемлекетке айналуы тиіс», – деді ректор.
Сонымен қатар ректор цифрландыру мәселелеріне ерекше назар аударып, университет жасанды интеллект пен цифрлық технологияларды дамытуға бағытталған міндеттерді жүзеге асыруға белсенді түрде қатысатынын, жаңа буын мамандарын даярлау, инновациялық шешімдерді енгізу және бизнес пен ғылыми орталықтармен бірлескен жобаларды дамыту арқылы үлес қосатынын айтты.
Жиналыс қорытындысы бойынша Жолдауды іске асыру шараларын университеттің жоспарларына енгізу, ІТ-компаниялар мен ғылыми орталықтармен ынтымақтастықты жандандыру, сондай-ақ «AI SANA» жобасымен және «Террикон жазығы» экожүйесімен әріптестікті дамыту туралы шешім қабылданды.
Қазтұтынуодағы Қарағанды университетінде Erasmus+ бағдарламасы аясында Еуропалық Одақтың қаржыландыруымен «Экономиканың жабық циклі және тұрақты даму бойынша инновациялық оқу бағдарламалары мен модульдерін әзірлеу» CirculEC академиялық жобасы жүзеге асырылуда. Жобаның жүзеге асырылу мерзімі – 2024-2026 жылдар.
Консорциумға Испания, Италия және Германиядағы еуропалық әріптестерімен тәжірибе алмасқан Қазақстан, Тәжікстан, Түрікменстан және Өзбекстанның жетекші университеттері мен ғылыми орталықтарынан тұратын 15 серіктес кіреді. Мұндай халықаралық альянс инновациялық білім беру ортасын құруға және өңірдің тұрақты дамуына бағытталған болашақтың құзыреттерін қалыптастыруға ықпал етеді.
6-шы қазаннан бастап біз CirculEC жобасы аясында өтетін мониторингтік кеңестің жақындап қалғанын хабарлаймыз.
Жобаның ағымдағы кезеңінің жетекшісі болып табылатындықтан Қазтұтынуодағы Қарағанды университетінде өтетін семинарға 50-ден астам қонақ қатысады. Одан кейінгі шаралар Ташкенттегі Халықаралық Вестминстер университетінде және Өзбекстандағы Орталық Азия университетінде жалғасып, соңында Душанбеде Тәжік мемлекеттік коммерциялық университеті мен Тәжікстан технологиялық университетінде, аяқталады.
Жиналыс барысында CirculEC жобасының серіктестері жаңа оқу модульдері, пәндері мен оқу материалдарының пилоттық енгізілуін бақылап, бағалайды:
- бакалавриат деңгейінде,
- магистратура деңгейінде,
- өмір бойы оқыту (LLL) аясында.
Іс-шараға университеттердің ғана емес, сонымен қатар біліктілікті арттыру курстарынан өткен оқытушылар, докторанттар және Орталық Азияның бизнес, ҮЕҰ және мемлекеттік құрылымдарының өкілдері секілді мүдделі тараптардың қатысуы оның негізгі ерекшелігі болып табылады. Олардың сараптамалық пікірі жаңа пәндердің енгізілу нәтижелерін кешенді бағалауға және олардың еңбек нарығы мен тұрақты даму талаптарына сәйкестігін анықтауға мүмкіндік береді.
Алынған нәтижелер Орталық Азияның білім беру жүйесіндегі тұрақты даму мен экономиканың жабық циклін интеграциялауға қатысты модульдердегі толыққанды пилоттық есептің негізі болады. Бұл оқиға академиялық ынтымақтастықты нығайтуға және өңірдің жасыл трансформациясы мен тұрақты өсу мәселелерін шеше алатын жаңа буын мамандарды даярлауда маңызды қадам болып табылады.
8 қыркүйек күні Қазақстан Республикасының Президенті Қасым-Жомарт Тоқаев «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауын жариялады. Құжатта ел дамуының негізгі бағыттары айқындалды, оның өзегінде – цифрландыру, жасанды интеллектті енгізу, экономикалық өсу және әлеуметтік тұрақтылық тұр.
Президент алдағы үш жыл ішінде Қазақстанды толыққанды цифрлық державаға айналдыру міндетін қойды. Осы мақсатта Жасанды интеллект және цифрлық даму министрлігі құрылады, платформалық экономика мен үлкен деректерді қамтитын Цифрлық кодекс қабылданады. Көлік саласында Smart Cargo жүйесі іске қосылады, ал өнеркәсіпте жоғары технологиялық жобалар жүзеге асырылады.
Жолдауда сондай-ақ қаржылық тұрақтылық пен инвестициялық ахуалды жақсарту, салық жүйесін жаңғырту, бизнестің тиімділігін арттыру және адами капиталды дамытуға ерекше көңіл бөлінді.
Жолдауда көрсетілген міндеттер бізге ғылыми зерттеулер мен білім беру бағдарламаларын негізгі бағыттар бойынша одан әрі күшейтуге мүмкіндік береді. Біздің университет – елдің жетекші экономикалық жоғары оқу орны ретінде қазірдің өзінде экономика, қаржы және цифрлық трансформация саласында мамандар даярлап, жасанды интеллект пен цифрлық экономикаға қатысты ғылыми зерттеулерді дамытып келеді, сондай-ақ стратегиялық бастамаларды тәжірибеге енгізу үшін бизнес және мемлекеттік органдармен ынтымақтастықты нығайтып отыр.
Президент Жолдауында еліміздің стратегиялық бағыты – әділетті әрі цифрлық Қазақстанды қалыптастыру екені айқындалды. Біздің университет осы мақсаттарға қол жеткізуге қомақты үлес қосуға дайын.
Білім сапасын қамтамасыз ету тәуелсіз агенттігі – Рейтинг (IQAA-Ranking) 2025 жылғы Қазақстанның жетекші жоғары оқу орындарының Ұлттық рейтингінің нәтижелерін жариялады. Қазтұтынуодағы Қарағанды университеті еліміздегі гуманитарлық-экономикалық бағыттағы жоғары оқу орындары арасында 2-орынға ие болды.
Жалпы балл – 58,24, оның ішінде:
41,96 – академиялық қызмет және түлектерді жұмысқа орналастыру нәтижелері;
3,73 – сарапшылар бағасы;
4,48 – жұмыс берушілердің пікірі;
4,11 – студенттердің бағасы;
3,96 – түлектердің бағасы.
2025 жылғы 12-13 маусымда Қазтұтынуодағы Қарағанды университетінің Маркетинг және логистика кафедрасының оқытушылары А. С. Садықова мен А. Б. Қуанышбаев Deutsche Gesellschaft für internationale Zusammenarbeit (GIZ) GmbH «Орталық Азиядағы экономикалық өсу секторлары үшін Кәсіптік білім беру (РЕСА)» жобасы шеңберінде ұйымдастырылған оқыту тренингіне қатысты. Іс-шара Алматы қаласында өтті.
Кафедра Орталық Азиядағы кәсіптік білім беруді нығайтуға және экономикалық өсу секторлары үшін білікті мамандар даярлауға бағытталған РЕСА жобасының қатысушысы болып табылады. Жоба шеңберінде бизнес-қоғамдастықты тарта отырып, біздің университет базасында «Салалар бойынша логистика» бакалавриаттың дуальды білім беру бағдарламасын енгізу бойынша жұмыс жүргізілуде.
Тренинг жобаның 2025 жылдың тамызында аяқталғанға дейінгі соңғы іс-шарасы болды. Оқытушылар интерактивті оқытудың заманауи әдістерімен, соның ішінде логистикалық симуляциялық ойындармен (атап айтқанда, «Қозғалыстағы Бизнес» үстел ойыны), сондай-ақ білім беру процесінде қолданылатын бағдарламалық қамтамасыз етумен танысты.
Тренингке қатысу оқытушыларға педагогикалық тәсілдерді кеңейтуге және серіктестік байланыстарды нығайтуға мүмкіндік берді, бұл университеттің білім беру бағдарламаларын одан әрі дамытуға ықпал етеді. Тренинг қорытындысы бойынша қатысушылар сертификаттар алды.
